Nikola Jokić je već sezonama jedan od najboljih košarkaša svijeta, a ako nastavi u ovom ritmu postaće jedan od najboljih centara koji su igad zaigrali u NBA ligi.
Iza igrača Denvera već sa su neke od najvećih legendi ovoga sporta.
Košarkaši Denvera vratili su brejk u Majamiju gdje su slavili s 109:94 i tako su poveli u seriji s 2:1 i od prstena ih dijele još samo dvije pobjede.
Jokić je bio prvo ime susreta sa 32 poena, 21 skokom i deset asistencija. Tako je treći put u karijeri upisao tripl-dabl u plej-ofu sa najmanje 30 poena i 20 skokova.
Iza sebe po tom parametru je ostavio po mnogima najbolje centare u istoriji NBA lige, ali i cijelog sporta Karima Abdula-Džabara i Vilta Čemberlejna. Njima je to samo po jednom pošlo za rukom, a svi znamo kakve su karijere nijh dvojica imali.
To nije sve. Popularni Džoker je sada ušao i na listu posljednja četiri igrača koja su u NBA finalu imali najmanje 25 poena i 20 skokova. Prije njega to su učinili Leri Bird, Tim Dankan i Šekil O’Nil.
